onsdag 4. juli 2012

Barnehage, eller ikkje barnehage, det er spørsmålet...


Kjenner eg er litt provosert!
"De forteller foreldrene det de vil høre. Personalet har heller ikke så gode muligheter til å vite hvordan dagen har vært for barnet. En ettåring har ikke språk. Jeg anbefaler foreldrene å være i barnehagen litt mer. Jeg tror de kan få seg noen aha-opplevelser. Det fungerer jo, barna lider sjelden. Men det er lite nærhet, kontakt, latter og glede." -Simen Tveitereid- 

Ein ettåring har til dei grader eit språk! Det heiter "kroppsspråk" og er ofte mykje tydelegare enn det verbale språket dei tilegnar seg etterkvart!!! Og påstanden om lite nærleik, kontakt, latter og glede? Han har ikkje vore lenge i min barnehage, vertfall! Det er klart at ein alltid har noko å strekkje seg etter. Vi kan gjerne fylle dagane med meir glede, meir latter og meir nærleik. Likevel må vi ikkje kaste frå oss det gode som skjer eittåringane seg i mellom. Det er fantastisk å sjå korleis dei små set i gang leikesekvensar, imiterer kvarandre, forhandlar med kroppspråk, rett og slett lærer sosial samhandling, berre ved å vere saman og ha det moro!!!

Debatten om barnehage eller ikkje barnehage er svært polarisert. Kva med å sjå litt meir nyansert på saka? Eg trur at det er svært få barn som har vondt av å ikkje gå i barnehage, samstundes trur eg det er færre som har vondt av å vere i barnehage. Eg syns det er flott med dei fedrene og mødrene som vel å vere heime med poden eitt eller to år etter barselspermisjonen så lenge det er eit medvite val og ein er medviten kva ein fyller dagane til poden med. Barn frå eittårsalderen er svært sosiale og treng å vere saman med andre barn i same alder.

Det Tveitereid gjer her, er å skape ei oss-mot-dei-haldning. Han får det til å høyrast ut som alle tilsette i alle barnehagar er inkompetente, uinteresserte, uengasjerte folk som er der fordi dei ikkje har noko betre å ta deg til. Faktisk er det ikkje slik. Dei aller fleste som har teke seg bryet med å utdanne seg til førskulelærarar, har gjort det ut frå eit genuint ønskje om å gjere kvardagen til desse barna betre.

fredag 13. april 2012

Alt av nåde

Eg ser at mange som syr har eit slags "merkenamn" på det dei lagar. Det tenkte eg at eg og ville ha. eg har tenkt og fundert på kva som ville passe. Eg landa på alt av nåde. Dette fordi det er av nåde eg lever. Det er Gud, ved si store nåde, som har grepe inn i livet mitt og gjort det til det det er. Ved hans nåde har han gjeve meg evner og talent som eg kan bruke til hans ære! Det er av nåde eg er frelst (ef. 2:8). Eg kan ikkje skryte av meg sjølv. Det er ikkje fordi eg er så flink og får til alt mogeleg. Gud har gjeve meg gåver og om eg skal skryte av noko eller nokon må det vere Han. Eg skal prøve å hugse å sy dette merket på alt eg syr, men til no har eg ikkje vore så flink...


tirsdag 10. april 2012

Kjolar

Eg har ei god venninne frå tida i UiO som eg dessverre ikkje ser så ofte. Ho bur i USA med sin mann og to nydelege jenter. I 2010 var eg på besøk ei lita veke og det var så kjekt. Då hadde dei berre den eine jenta. I februar i år kom jente nummer 2 og eg hadde så lyst til å sy like kjolar til jentene. Som tenkt, så gjort!
Babycord frå Stoff og Stil. Fora med vanleg bomulstoff (også frå S&S). Mønsteret er frå minikrea. Kjolane er sydd i størrelse 6 månadar og 3 år. Satsar på at dei kan passe i løpet av sommaren. Eg hadde ingen knappar som passa til, så eg sette i trykknappar. Det fungerte veldig fint. Eg må nok på etsy eller ebuy for å skaffe meg nokre lekre knappar til seinare prosjekt. 

mandag 9. april 2012

Guds kraft og legedom

Eg har ofte bursdag rundt påsketider og det har etter kvart vorte ein tradisjon at eg inviterer gode venner til ei lita feiring sundag kveld, etter den årlege påskefesten i Kristent Fellesskap (meir om den i eit seinare innlegg). Praten gjekk livleg, som den gjer når gode venner er samla. Ut på kvelden kom vi inn på alt det gode Gud har gjort for oss og gjennom oss. Ei god venninne fortalte om mange som var lækte gjennom ho. Så kom vi inn på ulike under vi har høyrt om, eller erfart sjølve. Etter å ha snakka så mykje om kor god Gud har vore, "måtte" vi takke Han for det. Etter ei stund med takk og bønn, var det ei som høyrde frå Gud at det var nokon andre som hadde vondt i ryggen. Vi ba for ho og då var det i gong. Vi ba for ulike sjukdommar og smerter. Ei som var der hadde ein fot som var kortare enn den andre. Vi la hendene på ho og ba om at foten skulle vekse ut og verte like lang som den andre. Akkurat i det vi hadde bedt, såg vi at foten rørte på seg. Ho vi ba for kjende ei merkeleg kjensle i foten og begge føtene var like lange! Halleluja, takk Gud!!! Gud har gjeve oss autoritet til å lækje alle sjuke. Guds rike er nær fordi vi kristne ber det med oss der vi går. Då Jesus sendte ut dei tolv apostlane sa han "Gå og forkynn: Himmelriket er kome nær! Læk sjuke, vekk opp døde, gjer spedalske reine og driv ut vonde ånder! Gjev som gåve det de fekk som gåve" (matt. 10:7-8) Dette gjeld oss kristne i dag og. Eg er så glad for at eg byrjer å sjå dette skje i mitt liv. 


søndag 5. februar 2012

Syhelg

Helga byrja fredag kveld med at eg fekk besøk av sydamene Kjersti og Miriam. Det er etterkvart vorte ein vane at Kjersti kjem dragande med symaskin når ho skal på besøk til meg. Vi prata, sydde, og prata endå meir i fleire timar. Eg for min del var ikkje så veldig produktiv, men fekk sydd ei toalettmappe. Kjersti og Miriam sydde kvar sin nydelege forklekjole. Du kan sjå Miriam sin her. Helg om vinteren betyr NRK og sportslaurdag og -sundag. For å utnytte tida, har eg sydd medan eg har sett både alpint, langrenn og skiskyting. Dette kan vel ikkje kallast effektivt, men det er veldig kjekt!


Mobiletui
Søster Ingvill har ytra ønskje om eit etui til den nye iPhonen sin. Dette er på veg i posten! Håpar det er stort nok ;) På merkelappen på sida står det alt av nåde. Det er mottoet som eg syr under. Eg prøver å hugse å sy det på alt eg lagar, men førebels har eg ikkje vore så veldig flink.

Cd-mappe til bilen
"Actionbilete" av cd-mappa



Trekk til symaskina

Eg har lenge tenkt på at eg vil ha eit finare og meir funksjonelt trekk til symaskina mi enn det som høyrer til. Etter å ha "googla" og vorte inspirert av ulike bloggar, landa eg på denne versjonen. Sjølve trekket er sydd i dongeristoff. Det er ei stor og god lomme på kvar kortside til ledningar og ymse anna. På den eine langsida har eg brukt gjennomsiktig voksduk og laga ei lomme på skrå. Her kan eg oppbevare ulike reiskap som kan vere greit å ha med seg om eg er på farten med symaskina.

fredag 6. januar 2012

Trettande dag jul

I dag er det trettande dag jul og det er på tide å kvitte seg med juletreet. Her er ein måte å gjere det på:
Related Posts Plugin for WordPress, Blogger...