mandag 14. april 2014

Sweet bonnie top

For lenge sidan la eg min elsk på eit mønster frå  Shwindesigns. Det er eit mønster på ein nydeleg topp som eg har hatt lyst å sy lenge. Forrige helg tok eg mot til meg og sydde to ulike versjonar. Dei ligg ute i butikken min no!




Eg sydde og tre siklesmekker med bondegårdsmotiv





søndag 30. mars 2014

Om å gå på vatnet...

Ein klok mann har ein gong sagt at for å gå på vatnet, må ein ta steget ut av båten. Det er nettopp slik det kjennes akkurat no. At eg har teke steget ut av båten, og no må eg gå på vatnet. For om lag to veker sidan starta eg butikk på epla.no. Dette er noko eg har tenkt på lenge, men ikkje turt å setje i gang med. Framleis tenkjer eg at det er litt skummelt, men og veldig kjekt! Førebels er det ikkje så mange varer i butikken og det kjem til å komme varer i rykk og napp. Denne butikken er fullstendig på hobbybasis, så eg syr når eg har tid og lyst.

Her er nokre bilete av varene som ligg i butikken nett no:








Du finn butikken min på epla.no/shops/altavnade Eg vert veldig glad viss du går inn og legger til butikken min som favoritt på epla. Finn du noko du likar, er det sjølvsagt veldig kjekt om du handlar litt ;)



tirsdag 11. mars 2014

Kjøredressar til tvillinggutar...

Dette er eit mønster eg har vorte glad i. Dressen kjennes mjuk ut mot kroppen på grunn av bomullsjerseyen inni, men er likevel varm og god på grunn av den tjukke ulla utanpå. Desse to dressane er nr 4 og 5 i rekka. Eg har fått ei bestilling på ein til, så dette er tydelegvis ei suksessoppskrift. 



Storesøstra til tvilinggutane fekk aldri noko barselgåve då ho vart fødd (eg var travelt oppteken med innspurt på studiet mitt). Derfor passa det utmerka med ei storesøstergåve til henne. Denne enkle spenserkjolen var veldig gøy å sy. Ekstra moro var det å oppdage at stoffet eg kjøpte i Riga for halvanna år sidan passa perfekt til ullstoffet frå stoff og stil. 









                                                   


fredag 27. september 2013

Bloggtørke...

I vår fekk eg for alvor augene opp for instagram. Samstundes forsvant bloggen ut i det fjerne. Det er jo mykje enklare å berre leggje bileta ut på instagram...

Dette året er det utruleg mange i min omgangskrins som har fått baby. Noko av det kjekkaste eg veit er å lage barselgåver, for eg veit kor glade mødrene (og fedrene) vert. Det er noko heilt spesielt med å gje vekk noko eg har laga sjølv!

Her kjem eit lite bileteras av nokre av tinga eg har laga:

Heildress i bomullschambrey - David
Omslagsbody i bondegårdsjersey - Benjamin




















Omslagsbody i stripete jersey - Peter
Bukse i bomullschambrey - Peter




















Kjole i bomull - Celine
Selebukse i babycord - Adam

















lørdag 27. april 2013

Bukse til ein liten gut (og babyshower)

Mine gode venner Sjur og Monica ventar ein liten gut i desse dagar. For nokre veker sidan arrangerte Monica sine barndomsvenninner babyshower for ho. Flaks for meg at eg allereie hadde sydd ei bukse til vetleguten...


Mønster: Minikrea
Stoff: Stoff og Stil
Strykemerke og smokkehaldar: Ebay
Eg lagde ein matchande sanse"ball" med raslelyd og "squeaker" som lagar pipelyd når ein trykkjer på den... Fyllet er ei blanding av putevatt og ris, for endå fleire sanseopplevingar. Gåva fall i smak hjå mor og far!










Monica fekk to bleiekaker, så ho treng ikkje kjøpe bleier med det første...




fredag 29. mars 2013

Ei annleis påske

I år er første påska på mange år at Kristent Nettverk ikkje arrangerar påskefest i Bergen. Dermed var det duka for familiepåske i mitt ferieparadis, Sula. Slik vart det ikkje. Det vart heller ein litt dramatisk start på påska i år. I løpet av mandagen kjende eg stikkande og stadig vondere smerter i magen, på høgresida. Eg tenkte ikkje så mykje over det, men etter eit koseleg middagsbesøk hjå gode venner, bestemte eg meg for å stikke innom legevakten på vegen heim. Kunne jo ikkje skade å få det undersøkt.

Etter ei kort undersøking på legevakten vart eg sendt med drosje til Haukeland. Legen mistenkte gallestein. På vegen til Haukeland rasa det tankar gjennom hovudet mitt. Kva skjer med meg no? Eg visste ingenting om gallestein og kva dei eventuelt kom til å gjere med det når eg kom på Haukeland. Ei kjensle av redsle kom over meg og eg kjende meg heilt åleine i verda. Det var to ting som uroa meg mest. Eg hadde lova å hente posten til mamma og pappa, og at eg ikkje kom på jobb dagen etter. Eigentleg to trivielle ting som eg ikkje hadde nokon grunn til å uroe meg for.

Då eg sat der i bilen og var redd og uroa meg for irrasjonelle ting, høyrde eg ei stemme som sa "du treng ikkje vere redd, eg er med deg. Der du går, har eg allereie vore, du er alltid to". Etter dette kjende eg at Guds fred kom og fylte meg. Gudsnærværet var så sterkt at alle dei urolege tankane forsvann. Jammen er det godt å vere Guds barn!

Opphaldet på Haukeland vart eit VM i venting. Først venta eg på å komme inn, så venta eg på at sjukepleiaren skulle ta prøvar. Når prøvane var tekne, vart det ny venting. Legen som endeleg kom, hadde lite nytt å fortelje meg. Etter endå meir venting vart eg sendt opp på kirurgen 3. Her var det ny venting, endeleg fekk eg litt smertestillande og i firetida fekk eg endeleg sove... Tysdagen vart ein ny ventedag. Eg skulle ta ultralyd av galleblæra og måtte faste fram til den undersøkinga. Det kjendes litt urettferdig når dei andre fekk både frukost og lunsj. Eg halvsov og døste meg gjennom dagen. Det var ikkje akkurat så mykje anna å finne på. Dei fann ingenting på nokon av prøvane og heller ikkje på ultralyden, så eg vart sendt heim med uforetta sak.

Sjølv om dei ikkje kunne finne noko gale med systemet mitt, hadde eg like vondt. I Jakobs brev står det at "Er nokon av dykk sjuk, skal han kalla til seg dei eldste i forsamlinga, og dei skal be over han og salva han med olje i Herrens namn. Og bøna som er boren fram i tru, skal berga den sjuke, og Herren skal reisa han opp. Og har han gjort synder, skal han få dei tilgjevne" (Jak. 5:14-15). 
 I går gjorde eg nettopp dette. Magnar og Astrid, som er eldste i menigheten, kom og salva meg med olje og ba for meg. Eg kjente ikkje noko der og då, men i dag er smertene mykje mindre. Det er godt at sjølv om ikkje legar og sjukepleiarar veit kva som feiler meg, så veit Gud det.

Eg har tillit til at eg skal verte heilt frisk att i løpet av eit par dagar!

søndag 24. februar 2013

Helg i Sula

I helga har eg og pappa vore på hyttetur hjå tante Turid og Rolf i Sula. Altså, ikkje Sula på Sunnmøre, men Ytre Solund. Hytta deira ligg idyllisk til ytterst i Sognefjorden. Mamma skulle også vere med, men ho har desverre vore sjuk i helga.

Fredagen gjekk med til god mat og avslapping i stova. Laurdag gjekk vi ein kort tur før det var tid for å benke seg foran tven og sjå Noreg gjere (nesten) reint bord i VM. Etter langrennet gjekk eg, pappa, Rolf og Trulte på tur opp på "Nipa". Det vil seie vi gjekk på tre ulike niper, før vi fann den rette. Her var det utsikt til det meste. For ein utrent skrott som min, var det ein hard tur, men vel verdt det då vi kom opp!

Medan vi var på tur, lagde tante nydeleg middag. Vi fekk servert Beuf Bourguignon, eller Biff frå Burgund om du vil. Det var kjempegodt og vi nærmast rulla frå bordet.

I dag, sundag, har vi sete i solveggen frå frukost til det var tid for avreise. Deilig!!!

Kamera var sjølvsagt med på turen, og her er nokre av dei nesten 150 bileta eg tok...











Eg kjenner at batteria er heilt opplada og eg er superklar for ei ny jobbveke!

søndag 27. januar 2013

Ny kjole

Sydagen vart, som alltid, veldig kjekk. Vi prata og koste oss, og jammen fekk vi ikkje sydd litt og...Eg sydde ein kjole i gammalrosa babycord. Mønsteret er frå Minikrea, stoffet frå Stoff og Stil.

Foran


Bak

Detaljar

Detaljar, bak



Related Posts Plugin for WordPress, Blogger...